Sindikata e Pavarur e Judikaturës së Kosovës (SPJK) ka paralajmëruar grevë. Këtë e ka konfirmuar kryetari i SPJK-së, Bahri Jashari.
“SPJK është duke bërë përgatitjet për të filluar me grevë, e që për fillimin e grevës në të gjitha gjykatat dhe prokuroritë në vend opinioni do të njoftohet me kohë”, ka thënë Jashari.
Ndryshe, më 11 maj 2022, Sindikata e Pavarur e Judikaturës së Kosovës (SPJK), kishte njoftuar se më 12 maj 2022, të gjitha Gjykatat dhe Prokuroritë në Kosovë, do të hyjnë në grevë paralajmëruese.
Më 15 mars 2022 u njoftua për grevë në të gjitha gjykatat dhe prokuroritë në Kosovë me kërkesa të njëjta. Por më 21 mars 2022 KGJK ka njoftuar për pezullimin e kësaj greve.
