SPAK ka nisur hetimet për kreun e Partisë së Lirisë, Ilir Meta. Prokuroria e Posaçme i ka kërkuar KQZ formularin e vetëdeklarimi të ish-presidentit.
Njoftimi i SPAK
“Prokuroria e Posaçme Kundër Korrupsionit dhe Krimin e Organizuar po kryen hetime në funksion të procedimit penal nr. 122 të vitit 2022.
Për nevoja të hetimit të këtij procedimi penal kërkojmë kopje të formularit të vetëdeklarimit në zbatim të ligjit nr. 138/2015 “Për garantimin e integritetit të personave që zgjidhen, emërohen ose ushtrojnë funksione publike” të dorëzuar nga ish-Deputeti i Kuvendit të Republikës së Shqipërisë, Z. Ilir Metaj (Meta)” thuhet në kërkesën e firmosur nga Arben Kraja.
Më herë kallëzimi në SPAK u depozitua nga ish-deputeti Halit Valteri. Ai dërgoi në SPAK 2 akuza.
“Nisur nga interesimi i shumë gazetarëve pranë SPAK, lidhur me një kërkesë që spak i ka drejtuar KQZ, sqarojmë se ajo kërkesë është pjesë e hetimeve që po kryen Prokuroria e Posaçme në kuadër të procedimit penal regjistruar mbi bazën e kallëzimit të shtetasit Halit Valteri. Nuk kemi ndonjë informacion tjetër për të dhënë. Hetimet vazhdojnë,” ka shtuar prokuroria.
Si përfundoi Meta në dyert e SPAK
Valteri, në kallëzimin e tij penal prej 12 faqesh shkruante se në vitin 2017, u nënshkrua kontrata mes LSI dhe McKeon Group. Nëpërmjet kësaj kontrate u sigurua pjesëmarrja në takime me liderë në Washington.
Sipas Valterit, personi i autorizuar për të përfaqësuar LSI, ishte administor i kompanisë offshore ‘Dorelita Limites’ në Qipro.
Kontrata kishte vlerën e 600 mijë dollarëve, që McKeon Group do i merrte për të lobuar në favor të Metës. Meta denoncohet nga Valteri se gjatë periudhës kur ka qenë në poste drejtuese, nëpërmjet korrupsionit ka arritur të krijojë shuma të mëdha parash, të cilat në pamundësi për t’i cikluar në rrugë të ligjshme bankare, ka t’i pastrojë nëpërmjet kompanisë offshore Dorelita Limited.
