Censusi i popullsisë dhe banesave është shtyrë për herë të tretë.
Njoftimin e bëri Instituti i Statistikave (INSTAT) duke theksuar se do të bëhet vitin tjetër.
Shkaku? Mossigurimi në kohë i mjeteve të nevojshme, tabletat për grumbullimin e informacionit në terren.
Censusi ishte planifikuar të zhvillohet në vitin 2020, por fillimisht u shty prej situatës së krijuar nga pandemia.
Një tjetër shtyrje u bë për në vitin 2021 për shkak të zgjedhjeve parlamentare.
Tani u shty për tabletat. Parashikohet të zgjasë dy muaj me një kosto prej rreth 16 milionë euro.
Censusi i fundit është zhvilluar në vitin 2011. Popullsia ishte 2,821,977 me një rënie prej 8%, nga censusi i 2001-shit.
