Raketat greke “tokë-ajër” kanë bllokuar radarët e avionëve luftarakë turq “F-16” që po kryenin një mision zbulimi në hapësirën ajrore ndërkombëtare.
Kjo sipas agjencisë shtetërore të Turqisë, “Anadolu”.
Pretendimi i fundit i Turqisë thekson se fqinji i saj dhe anëtari i NATO-s, Greqia, ka synuar avionët e saj mbi Mesdheun Lindor dhe Detin Egje.
Bllokimi i radarëve konsiderohet si një akt armiqësor sipas rregullave të NATO-s.
Ministria greke e Mbrojtjes i hodhi poshtë akuzat.
“Sistemi raketor S-300 i Greqisë nuk i ka bllokuar avionët turq F-16”, thanë burimet, sipas televizionit shtetëror Ert.
Tensione të larta
Javën e kaluar, Turqia thirri atasheun ushtarak grek dhe paraqiti një ankesë në NATO pasi avionët “F-16” grekë dyshohet se ngacmuan ato turq që kryenin një mision për aleancën.
“Anadolu” raportoi se pilotët grekë e vendosën avionin e Turqisë nën një bllokim radari mbi Mesdheun Lindor.
“Turqia i dha përgjigjen e nevojshme dhe i detyroi avionët të largoheshin nga zona”, tha Anadolu, pa dhënë detaje.
Greqia hodhi poshtë versionin turk të ngjarjeve.
Ajo shpjego se katër mjetet e saj u përplasën dhe u përzunë nga avionët turq, duke shtuar se Athina informoi autoritetet e NATO-s dhe SHBA-së për incidentin.
Edhe pse të dyja janë anëtarë të NATO-s, Turqia dhe Greqia kanë mosmarrëveshje dekadash mbi një sërë çështjesh, duke përfshirë pretendimet territoriale në Detin Egje dhe mosmarrëveshjet mbi hapësirën ajrore atje.
Mosmarrëveshjet i kanë sjellë ata në prag të luftës tre herë në gjysmë shekullin e kaluar.
Tensionet u ndezën në vitin 2020 mbi të drejtat e shpimit eksplorues në zonat e Detit Mesdhe, ku Greqia dhe Qipro pretendojnë zona ekskluzive ekonomike, duke çuar në një bllokim detar.
