Arsen Muskurti i njohur edhe me emrin Hamza është arrestuar nga policia rreth dy orë pas ngjarjes së rëndë. Ai u kap në rrugën “5 Maji”.
Ai ekzekutoi vëllanë Dritan Muskurti dhe kunatën Nora. Sherri ishte i vjetër për pronën dhe sot arriti kulmin duke u zgjidhur me armë.
Pasdite ai vendosi që të shkonte te agjencia e vëllait në rrugën “Islam Alla”.
Debati ishte i ashpër me të vëllanë dhe kunatën, që i akuzonte se i morën pronësinë e agjencisë që kishin themeluar bashkë.
Në fund fjalët ia lanë vendin plumbave. Arsen Muskurti i qëlloi për vdekje të dy në vend.
Arratisja mori fund pas dy orësh.
