Ministri i Brendshëm Bledi Çuçi vlerësoi policinë e shtetit për arrestimin e bosit turk të shumë kërkuar për mashtrim me “Bitcoin”.
Në një postim në Facebook, ai shkruan se kjo është dëshmi e efikasitet gjithnjë e në rritje të policisë kriminale shqiptare.
“Arrestimi i shtetasit turk të shumëkërkuar nga Interpoli një tjetër dëshmi e efikasitet gjithnjë e në rritje të policisë kriminale shqiptare.
Përgëzime të gjithë oficerëve që morën pjesë në operacion. Tolerancë zero për krimin e organizuar” shkruan ai.
Faruk Ozer, që strehohej në Elbasan u arrestua në Himarë. Ai u kap së bashku me Evaldo Haxhiun, që është nipi i Armando Dukës, që e ndihmoi në arratisje.
Por ajo që bie në sy është fakti që Çuçi, që sot falënderon policinë, dje heshti për valën që u ngrit në media se Gledis Nano ishte dorëhequr.
Ishte vetë Nano që reagoi pas shumë orësh duke e mohuar.
