Policia e Tiranës ka arritur që të gjejë pistoletën me të cilën biznesmeni Arsen (Hamza) Muskurti pasditen e djeshme vrau vëllain dhe kunatën e tij.
Fillimisht ai deklaroi se armën e hodhi në një kosh mbeturinash pas krimit. Por arma nuk është gjetur në kosh, por në shtëpinë e tij.
Autori ka pranuar autorësinë e krimit dhe ka treguar edhe motivet që e çuan për të kryer aktin e rëndë.
Shkak ka qenë pronësia për agjencinë turistike që e themeluan së bashku me vëllanë.
Por më pas biznesi kaloi vetëm në administrimin e Dritan Muskurtit duke sjellë revoltën e të vëllait.
Dritan Muskurti u vra së bashku me gruan, Norën pasditen e djeshme duke lënë tre fëmijë jetimë.
