Gjykata e Posaçme ka kthyer në detyrë kardiologun Edvin Prifti. Ai ishte pezulluar nga detyra, pasi po hetohet për korrupsion dhe pastrim parash.
Gjykata e Posaçme konstatoi se afati i kësaj masë sigurie kishte rënë dhe vendosi shuarjen e saj.
Në këtë mënyrë, hetimi që po zhvillohet ndaj tij nuk do të pengojë Priftin të kthehet në sallat e operacionit.
Dyshimet e SPAK ndaj mjekut nisën pas disa përgjimeve të bëra për llogari të dosjes ndaj ish-gjyqtares së Krujës, Enkelejda Hoxha. Në vijimësi Prifti ka mbajtur qëndrim mohues ndaj akuzave.
