Çdo ndryshim fillon me të ushqyerit. Ne shpesh neglizhojmë ndikimin që zgjedhjet tona ushqimore kanë në shëndetin tonë. Sigurisht, ne nuk mund ta ndalojmë plakjen, por mund ta ngadalësojmë atë. Megjithatë, nëse hamë keq për vite me rradhë, kjo do të përshpejtojë procesin e plakjes.
Ekspertët rendisin gjashtë ushqime që duhet t’i shmangni sa më shumë:
Patate të skuqura
Shpesh urinë dhe dëshirën për kripë e plotësojmë me patate të skuqura, por ushqimi i përgatitur në këtë mënyrë, me shtimin e kripës, ndikon negativisht në lëkurë. Ushqimet që skuqen në vaj në temperatura të larta çlirojnë radikale të lira, të cilat dëmtojnë rëndë qelizat dhe sigurisht përshpejtojnë shenjat e para të plakjes.
Produktet e qumështit
Produktet e qumështit mund të shkaktojnë vërtet probleme për dikë. Shkencëtarët kanë konfirmuar se qumështi mund të çojë në shfaqjen e akneve, por edhe në shfaqjen e rrudhave në fytyrë. Për disa, produktet e qumështit ndikojnë në inflamacionin në trup, ndërsa për të tjerët ato janë të mira. E gjitha varet nga personi.
Ushqime të gatshme dhe të ngrira
Ushqimet e ngrira janë shpesh të pasura me natrium. Natriumi kontribuon në mbajtjen e ujit dhe rënien e përgjithshme dhe në një pamje të plakur, shkruan abcnews.al.
Ëmbëlsirat
Sheqeri i përpunuar mund të çojë në rezistencë ndaj insulinës dhe shtim në peshë. Përveç kësaj, marrja e tepërt e ëmbëlsirave mund të ndikojë negativisht në shëndetin e dhëmbëve dhe një gjë është e sigurt, asgjë nuk do t’ju bëjë të plakeni më shpejt se dhëmbët e prishur.
Gjegjësisht, sheqeri shkakton inflamacion, i cili është frenuesi kryesor i lëkurës së shëndetshme dhe të bukur. Për t’i bërë gjërat edhe më keq, sheqeri dëmton gjithashtu kolagjenin dhe elastinën, të cilat janë përgjegjëse për pamjen rinore të lëkurës, shkruan abcnews.al.
Alkooli
Një gotë verë herë pas here nuk dëmton, por pirja e tepërt e alkoolit, veçanërisht pijeve me sheqer, shkakton radikale të lira. Alkooli gjithashtu ia merr trupit vitaminën A, një antioksidant që është thelbësor për riparimin e qelizave.
Prandaj, nëse konsumoni alkool, më mirë synoni pijet pa sheqerna të shtuara, siç është vera. Gjithashtu, sigurohuni që të konsumoni alkool në moderim dhe të pini mjaftueshëm ujë.
