Nuk kishte asnjë dyshim dhe surprizë. Gjykata e Tiranës vendosi sot masën arrest me burg pa afat për Arsen Muskurtin.
I njohur edhe me emrin Hamza, ai dy ditë më parë vrau vëllanë dhe kunatën pas sherrit që nisi për pronësinë e agjencisë turistike.
Sot në gjyq ai tha se kishte bërë 7 kallëzime për vëllanë dhe kunatën. Të fundit, ditën e vrasje.
“Kam bërë shtatë kallëzime për vëllanë dhe kunatën. Ata më shantazhonin dhe për këtë arsye kërkova mbrojtje.
Armën e kam pasur me leje. Kallëzimin e fundit e kam bërë ditën e vrasjes”, tha autori i vrasjes së Dritan dhe Nora Meskurtit.
Ngjarja ndodhi në rrugën “Islam Alla” rreth orës 16:45 minuta në një agjenci udhëtimesh.
Viktimat janë Dritan dhe Nora Muskurti 44 vjeç dhe 33 vjeçe. Çifti Muskurti ishin prindër të 3 fëmijëve.
Kamerat e sigurisë filmuan Arsen Muskurtin teksa hyn në dyqan, qëndron brenda 20 sekonda e del i qetë pasi i ka vrarë.
