Ish-presidenti Ilir Meta, ka dorëzuar një ditë më parë një kallëzim në SPAK në lidhej me Autoritetin e Dosjeve. Direkt pas kallëzim ai ka kërkuar një përfaqësues ligjor për çështjen.
Bëhet fjalë për avokat Genc Gjokutaj, i cili do ta përfaqësojë Metën në këtë çështje.
“Një ditë pas kallëzimit penal për anëtarët e Autoritetit të Dosjeve, ndërmorra sot hapin tjetër të radhës të caktimit të z.Genc Gjokutaj, avokat dhe ish-prokuror i njohur, për të ndjekur ligjërisht këtë çështje në funksion të një procesi të rregullt ligjor, por edhe transparent para të gjithë qytetarëve shqiptarë.
Jam i bindur në diskreditimin e plotë të këtij manipulimi dhe falsifikimi ndër më të rëndët në historinë e pluralizmit politik.
Falsifikatorët do të përballen me të gjithë forcën e ligjit!” ka njoftuar Meta.
