Gledis Nano u largua nga policia e shtetit, por “Kutinë e Pandorës” nuk e hapi për Ervis Martinajn.
Ish-kryeministri Sali Berisha pak ditë më parë deklaroi se Lami përpara se të arrestohej zhvilloi një bisedë të gjatë “kokë më kokë” me Nanon në zyrën e shefit në policinë e shtetit.
Por çfarë biseduan?
Kryetari i PD-së, Sali Berisha u shpreh se “Jeton Lami i tha (Gledis Nanos) se Ardi Veliu paguhej 30 mijë euro në muaj nga Ervis Martini”.
Gjithashtu Berisha tha se agjenti i ka treguar Nanos edhe lidhjet e Martinajt me policët e tjerë brenda strukturës.
Deklarata kaloi në heshtje. Policia e shtetit, por edhe vetë zoti Nano, tashmë i larguar nuk ka reaguar për të mohuar prononcimin e Sali Berishës.
Po ku është Ardi Veliu sot?
As më pak dhe as më shumë por në krye të drejtorisë që do të kontrollojë veprimet e efektivëve të policisë së shtetit.
