Në fillim të sesionit të ri parlamentar fjalën e morën kryetarët e grupeve. Deputetja Mesila Doda i kërkoi shumicës që të lerë arrogancën dhe opozitës që të bashkohet nga përçarja.
“Fjalët në këtë vend kanë humbur rëndësinë. Opozita nuk është më opozitë, por e përçarë si asnjëherë në këto 30 vite, me inate dhe halle mes veti.
Kemi parë skena të sharjes dhe fyerjes mes përfaqësuesve të opozitës që deri dje ishin vëllezër mes veti.
Shumica nuk është ajo që duhet të jetë. Opozita të gjejë sinergjinë e brendshme. Shumica të zhdukë cdo formë arrogance dhe të mos ngulë më thikën e përçarjes.
Sot duhet të kishim të gjithë një debat për përballimin e çmimeve. Në vend të kësaj kemi hallin e bandave kriminale” tha ajo.
