Për Ilir Metën, kreun e Partisë së Lirisë, Edi Rama ka shpërdoruar në mënyrë kriminale resurset energjetike të vendit.
Meta u shpreh se situata pritet të jetë e vështirë, pasi Rama, sipas tij, nuk ka bërë investime strategjike në 10 vjet në këtë sektor.
“Jemi në situatë kritike energjetike, e cila pritet të vështirësohet. Edi Rama është në vitin e 10 dhe nuk ka bërë investime strategjike. Jo vetëm kaq, por ka bërë një shpërdorim kriminal të resurseve energjetike të vendit. I ka kthyer në ndërmarrje elektorale”, u shpreh Meta.
