Agjencia e Prokurimeve Publike ka shpallur fituesin për procedurën e ngritjes së satelitëve e organizuar nga Agjencia e Mbrojtjes Civile, në varësi të Ministrisë së Mbrojtjes.
Fituese e këtij tenderi ka rezultuar kompania amerikane “Satellogic USA” Inc. Qeveria shqiptare do të paguajë
6 milionë dollarë për tre vite.
“Satellogic USA” Inc. NC 28036 është me adresë në ShBA konkretisht: 210 Delburg Street, Davidson US dhe është e specializuar në satelitët e vëzhgimit të Tokës, e themeluar në vitin 2010 nga Emiliano Kargieman dhe Gerardo Richarte.
Procedura është konfidenciale për shkak se kompania nuk do të bëjë publike informacionin e dhënë, përfshirë sekretet teknike ose tregtare dhe veçoritë konfidenciale të ofertave dhe kërkesave për pjesëmarrje, praktikë kjo që qeveria shqiptar e ka ndjekur edhe me vaksinat.
Fillimisht Edi Rama premtoi se do të ngriheshin në mars, por u shty në një afat të dytë.
