9 persona janë paraqitur në spitalin Rajonal të Fierit, pasi janë helmuar.
Ato janë punonjëse në një fabrikë për përpunimin e ullirit.
Dyshohet se helmimi i tyre ka ardhur si pasojë e një reaksioni të shkaktuar nga parfumi i njërës prej shtetasve.
Ato ndodhen jashtë rrezikut për jetën.
Njoftimi i policisë
Rreth orës 10:00, në Spitalin Rajonal Fier, kanë shkuar me shenja helmimi dhe ndodhen jashtë rrezikut për jetën, 9 shtetase, të cilat punojnë në një fabrikë përpunim ullinjsh, në aksin rrugor “Fier – Vlorë”.
Nga verifikimet paraprake, dyshohet se helmimi i tyre ka ardhur si pasojë e një reaksioni të shkaktuar nga produkti aromatizues (parfum) i përdorur nga njëra prej këtyre shtetasve.
Grupi hetimor po punon për zbardhjen e plotë të ngjarjes.
