Policia turke ka treguar se Jovan Vukotiç, 42 vjeç, i dyshuar si kreu i bandës famëkeqe të drogës Skaljari, u vra të enjten. Ai u qëllua për vdekje nga një motoçikletë teksa ishte në një makinë me gruan dhe vajzën e tij.
Policia malazeze ka akoma dyshime për vdekjen e tij dhe ka kërkuar disa akte ekspertize për verifikime.
Vukotiç ishte në arrati pasi autoritetet gjyqësore malazeze në shtator të vitit të kaluar lëshuan një urdhër të kuq për arrestimin e tij.
Ai figuron në dosjet dhe dokumentet e policisë së Malit të Zi si një nga drejtuesit e bandës së drogës me qendër në qytetin e Kotorrit. Në vitin 2018 ai mohoi përfshirjen në trafikun e drogës.
Në dhjetor 2020, Prokuroria Speciale e Shtetit e akuzoi Vukotiçin për krijimin e një organizate kriminale dhe për përgatitjen e vrasjes së tre anëtarëve të bandës rivale të drogës Kavac.
