Ish-kryeministri, Sali Berisha në konferencën me gazetarët në Postribë, ka komentuar mundësinë e një skenari për bashkimin e votave të deputetëve që mbështesin Enkelejd Alibeajn dhe mazhorancës, për një nismë që shihet sikur ka qëllim të nxjerrë nga politika.
Berisha tha se nuk ka asnjë forcë në botë që mund të thyejë kontratën që ai ka me shqiptarët.
“Në politikë Sali Berisha është vetëm nga qytetarët. Kontrata ime, nuk ka forcë në botë që të thyejë këtë kontratë me shqiptarët. Nuk ka ligj që mund të dëmtojë këtë kontratë. Ajo është kontrata me Shqipërinë, me qytetarët. Nuk kam asnjë lloj impresioni. Treni nuk ndalet”.
“Lëvizjet e mëdha do koordinohen me Partinë e Lirisë dhe me frontin për shpëtimin e Shqipërisë. Fronti që organizoi 7 korrikun, do organizojë lëvizjen për të shpëtuar Shqipërinë nga rreziku. Kudo që bëhen protesta, u bëjmë thirrje qytetarëve të marrin pjesë,” tha Berisha.
