Graham Potter mori drejtimin e Chelsea-t, pas shkarkimit të Thomas Tuchel, megjithatë shtyrja e Premier Leagues, la për një moment tjetër edhe debutimin e tij në pankinën e bluve të Londrës.
Sipas mediave angleze, Potter mori garanci maksimale nga ana e drejtuesve të Chelsea-t, të cilët i premtuan se do t’i lënë dorë të lirë në merkaton e janarit e atë të verës së ardhshme.
Thënë ndryshe, trajneri ka marrë garanci nga klubi se nuk do të shkarkohet edhe nëse këtë sezon nuk arrin të sigurojë një vend në zonën Champions, teksa testi i vërtetë i tij do të jetë më së shumti sezoni i ardhshëm.
Graham Potter ka qenë në pankinën e Brightonit që prej 2019-ës, ku ka bërë shumë mirë, ndërsa tani do të ketë shansin e parë të drejtojë një ekip të madh si Chelsea, ku mund t’i japë një tjetër drejtim karrierës së tij dhe të fitojë shumë trofe.
