Autorët e dyshuar të vrasjes së biznesmenit shqiptar në Greqi, Xhani Topallit, janë lënë në burg nga gjykata.
Hotelieri 53-vjeçar dhe djali i tij 20-vjeçar kanë pranuar krimin dhe kanë rrëfyer në gjykatë versionin e tyre të ngjarjes, se si u vra babai i tre fëmijëve të mitur.
Dëshmia e autorit
53-vjeçari është baba i 4 fëmijëve dhe nuk është akuzuar asnjëherë për ndonjë vepër penale.
Duke iu referuar marrëdhënieve të tij me viktimën, ai përsëriti se e ka takuar si biznesmen ndërtimi dhe kanë punuar disa herë së bashku pasi 46-vjeçari ishte i qëndrueshëm dhe i zoti në punën e tij.
Në vitin 2019, Xhani Topalli, tha ai, ka kryer punë riparimi në dhomat e hotelit, për të cilat kanë rënë dakord që t’i paguajë gjithsej 100 mijë euro me këste. Madje duke nënshkruar edhe marrëveshjen përkatëse, duke i dhënë edhe atij një paradhënie prej 25.000 euro.
Për shkak të pandemisë që preku edhe industrinë e turizmit, në vitet 2020 dhe 2021, puna nuk eci mirë dhe nuk mundi ta shlyente plotësisht, por dha maksimumin, tha autori.
Por në vitin 2022, kur puna u kthye në nivelet para koronavirusit, tha ai, e ka shlyer plotësisht borxhin me pagesa të pjesshme në korrik dhe gusht, duke i paguar gjithsej 124.152 euro.
Ai pretendoi se përveç shumës që i kishte borxh, kishte paguar edhe interesin. Autori shtoi se për çdo shumë që ka mbledhur e ka firmosur vetë dhe siç pretendon është paguar plotësisht.
Në fakt, bashkëpunimi i tyre profesional po ecte mirë, pasi kishin rënë dakord për të ndërtuar një pishine në hotel, një projekt që kishte planifikuar për të përmirësuar biznesin.
Për kryerjen e punimeve, i pandehuri pretendon se viktima kishte nënshkruar një deklaratë, në të cilën kërkonte pagesën e një paradhënie prej 30% për fillimin e punimeve.
Për ditën e 28 gushtit 2022, ai ka pohuar se viktima e ka telefonuar herët me qëllim që të firmosin deklaratat për projektin. Të marrte para si paradhënie pasi ta nënshkruanin.
Ai i kërkoi të takoheshin por për shkak se e kuptoi se ishte i dehur e shmangu dhe i kërkoi që të takoheshin të nesërmen.
I pandehuri ka pohuar se kur 46-vjeçari konsumonte alkool, bëhej nervoz, agresiv, shante dhe kërcënonte.
Autori pretendoi se e kishte telefonuar sërish në orën 16.30. I bënte presion që të takoheshin dhe siç tha ai e shmangu duke i thënë se do të shkonte me vajzat dhe gruan e tij në një festë.
Sipas tij, viktima ka vazhduar t’i telefonojë. Në një moment teksa ka qenë në panair i është përgjigjur telefonatës. Për shkak se ishte nën efektin e alkoolit është treguar agresiv duke e sharë dhe kërcënuar.
Rreth orës 22:40, djali i tij, i cili në atë moment ndodhej në lokalin e hotelit. E ka telefonuar dhe i ka thënë se kishte shkuar në oborrin e hotelit, pranë dhomave. 46-vjeçari i cili sipas tij ishte i tërbuar, shumë i dehur, fikte e ndizte dritat e makinës, i binte borisë, bërtiste dhe shante.
Ai la gruan dhe vajzat e tij në panair dhe nxitoi drejt biznesit. Me të mbërritur, ai është nisur drejt lokalit ku po priste 46-vjeçari. Siç e ka përshkruar ai, ka nisur ta shajë dhe kërcënojë. Autori pretendoi se tentoi ta qetësojë, por viktima u bë edhe më agresiv.
Kapi djalin nga fyti. Im bir u përpoq t’ia largonte duart, por ai e goditi në fytyrë dhe më pas e goditi me grusht në brinjë.
53-vjeçari pohon se kanë dalë në parking për tu sqaruar. Mes tyre ka pasur një sherr jashtë recepsionit përballë dhomave dhe ka përfunduar në koshat e plehrave.
I biri ka tentuar t’i ndajë dhe 46-vjeçari e ka goditur sërish. 53-vjeçari tha se ai e përzuri djalin e tij dhe gjatë përleshjes e goditi me grusht shqiptarin në kokë.
Makina e tij ishte parkuar aty dhe në karrocë një litar. Ai tregon se instinktivisht e mori, e kapi. Ndërsa shqiptari ishte i trullosur, ia vendosi në qafë për ta neutralizuar.
Viktima po tentonte të çlirohej duke e tërhequr litarin. Njëkohësisht duke e shtyrë me trup drejt rrugicës pas koshave. 53-vjeçari vazhdonte të tërhiqte litarin për ta neutralizuar.
Në një moment ka ndjerë se viktima nuk po bënte më rezistencë. Ndaj ka liruar litarin dhe 46-vjeçari ka rënë përtokë, me sa duket i ka rënë të fikët.
Më pas, siç pretendonte 53-vjeçari, ka konstatuar se viktima ishte goditur në kokë kur ra përtokë. Toka aty, tha ai, ka gurë plazhi.
I pandehuri tregoi se i kontrolloi pulsin edhe u sigurua që ai kishte vdekur.
Telefonoi djalin e tij pasi nuk dinte çfarë të bënte. I tronditur i tha se së shpejti në banesë do të mbërrinin disa miq të tij. Me të cilët do të dilte shëtitje dhe 53-vjeçari i tha të largohej me shokët e tij.
53-vjeçari përshkroi se si e kapi trupin dhe e tërhoqi zvarrë pas koshave. Më pas u kthye në panair për të marrë vajzat dhe gruan e tij në shtëpi. Pak para se të niseshin nga panairi, ai telefonoi djalin e tij për t’i thënë të kthehej në shtëpi.
Më pas kanë pritur që të gjithë të flenë, ka telefonuar të birin. I ka dhënë çelësat e xhipit të 46-vjeçarit për ta lënë në Kalythies në zonën e Agia Paraskevi duke i kërkuar të ndiqtë me automjetin e tij.
Ata lanë makinën e 46-vjeçarit dhe u kthyen, u ulën për pak në lokal. 53-vjeçari vendosi trupin e pajetë të 46-vjeçarit në kamionin e tij me ndihmën e djalit të tij. Trupi ishte i mbuluar me një çarçaf dhe sipër i vendosën një copë dru.
Shkuan me makinë në Psinthos, gjatë rrugës e zbriti djalin e tij. Hyri në një rrugicë dhe e hodhi trupin në një kanal e më pas i vendosi gurë sipër.
I pandehuri pretendoi se nuk donte kurrë ta vriste atë dhe ndërsa ndodhi incidenti. E humbi toruan dhe s’dinte si të reagonte.
Ai ka theksuar se nuk ka pasur asnjë mashtrim. Pretendon se është sulmuar i pari nga 46-vjeçari dhe se kontraktori ka qenë i dehur.
