Kulla Eifel, atraksioni-simbol historik i Francës, do të fikë dritat një orë më herët në mbrëmje, si pjesë e kursimit të energjisë.
Deri më tani, atraksioni francez ishte i ndriçuar deri në një të mëngjesit, por tani do të zhytet në errësirë në orën 23:45, raporton gazeta franceze “Le Parisien”.
” Ky është një gjest jashtëzakonisht simbolik në kontekstin e kursimit të energjisë ,” sipas kompanisë administruese të Kullës Eiffel.
Ndërkohë, qeveritë evropiane janë në një garë për t’u marrë me krizën energjetike.
Çmimet më të ulëta të energjisë dhe furnizimet e sigurta janë qëllimi, tha presidentja e Komisionit Evropian, Ursula von der Leyen, një ditë pas takimit të ministrave përkatës të BE-së në Bruksel.
“Ndërsa ne përgatisim me komisionerët paketën tonë të energjisë për të trajtuar çmimet në rritje dhe për të ofruar lehtësim për evropianët, ne mirëpritëm mbështetjen e përgjithshme të Këshillit për qasjen tonë bazë. Ne diskutuam çështjen e kostove të gazit. Ne vlerësuam punën për ndihmën shtetërore, kushtet e barabarta, mbështetjen për ndërmarrjet e vogla dhe të mesme,” tha Von der Leyen.
