Në Kongresin “Sfidat e arsimit cilësor dhe gjithëpërfshirës drejt integrimit europian”, ku të pranishëm ishin edhe ambasadorë, Rama u shpreh se gjuha është e kërcënuar.
Ai u shpreh më tej se është e nevojshme që shqiptarët të bashkojnë mendjet për të vendosur mbi të ardhmen.
“Të gjejmë rrugë për të forcuar pozicionine gjuhës shqipe në këtë kaos gjuhësor. Kemi më shumë nevojë se asnjëherë më parë për të bashkuar mendjet tona përtej kufijve të Shqipërisë, nga Kosova, Maqedonia e Veriut, Malit të Zi, të zonave ku jetojnë shqiptarët në emigracion. Ky bashkim mendjesh të na japë më shumë të kuptojmë dhe të gjejmë se çfarë duhet të vendosim për të nesërmen. Kërcënimi ndaj gjuhës është më i madh se asnjë herë tjetër. Forcat që e kërcënojnë gjuhën janë të atilla sa për nga përmasat dhe presioni që ushtrojnë, duken gati-gati të pathyeshme”, tha Rama.
