Një aksident i rëndë është shënuar disa orë pas mesditës në kryeqytet. Një makinë tip Benz ka përplasur një person me biçikletë.
Ngjarja ka ndodhur në bulevardin “Dëshmorët e Kombit”.
Person i cili ka qenë duke udhëtuar me biçikletë është përplasur nga makina dhe ka përfunduar në xhamin e parmë të saj. Mësohet se ai ka pësuar lëndime të shumta dhe është dërguar në spital.
Nuk dihen ende rrethanat e këtij aksidenti dhe as identiteti i personit që ka mbetur i lënduar.
