Një sulm ajror goditi sot kryeqytetin e shtetit Tigray në Etiopinë veriore, tha një zyrtar i spitalit.
Dr. Kimbrom Gebreselassie, drejtor i spitalit më të madh në Mekele, tha se një person i plagosur ishte dërguar në spitalin e tij.
Sipas tij, personi që dërgoi të plagosurin në spital tha se objektivi i bombardimit ishte qendra e studimeve të biznesit të universitetit të qytetit, por edhe televizioni i qeverisë rajonale në Tigray.
Zëdhënësi i forcave të armatosura etiopiane Kol. Getnet Adane dhe zëdhënësi i qeverisë etiopiane Legese Tulu nuk iu përgjigjën menjëherë kërkesave për koment.
