Pas vdekjes së nënës së tij, Mbretëreshës Elizabeth II, të enjten e kaluar ish-Princi i Uellsit Charles III u shpall mbret. Tashmë po përgatitet operacioni që ai të zhvendoset në Pallatin Buckingham, mësohet se ndryshimi do të prekë punonjësit në Clarence House.
Dhjetëra punonjës të stafit të rezidencës së Charles III kanë marrë njoftimin se do të pushohen së shpejti.
Ndërsa deri në njëqind punëtorë nga ish-rezidenca zyrtare e mbretit kanë marrë letra që i informojnë se shërbimet e tyre nuk do të nevojiten më dhe se do të ndihmohen për të gjetur një destinacion të ri profesional.