Gjykata e Vlorës ka vendosur masën e sigurisë “arrest me burg” për dy punonjës të sigurisë private, Artur Grami dhe Gazmend Vathi, të dyshuar për përfshirje në incidentet gjatë protestës në zonën e Zvërnecit.
Sipas hetimeve paraprake, ata dyshohet se kanë ushtruar dhunë ndaj një qytetari gjatë përplasjes së ndodhur në terren, në kuadër të protestës kundër një projekti në zonë.
Ndërkohë, Prokuroria vijon hetimet për të përcaktuar rolin e saktë të secilit person të përfshirë në ngjarje.
Më herët, për të njëjtën çështje është arrestuar edhe një tjetër punonjës sigurie, i cili dyshohet për ushtrim dhune ndaj protestuesve.
Ngjarja ka ngjallur reagime në opinionin publik dhe ka rikthyer debatin mbi përdorimin e forcës gjatë protestave.
