Edhe pse nafta në Shqipëri është 239 lekë, ndërsa në bursa është ulur ndjeshëm, qeveria nuk heq dorë nga bordet.
Ministrja e Financave u shpreh pas mbledhjes së qeverisë se bordet do të qëndrojnë derisa vendi është i ndikuar nga rritja ndërkombëtare e çmimeve.
“Bordet kanë bërë punën e tyre duke limituar rritjen e çmimeve pa prekur spekulimet e tregut, pa ndikuar në çmime.
Do të vazhdojmë të mbajmë bordet për sa kohë do të jemi të ndikuar nga rritja e çmimeve ndërkombëtare, me qëllim që qytetarët të paguajnë çmimin më të ulët të mundshëm”, tha Ibrahimaj.
