Mediat meksikane shkruajnë se tentakulat e karteleve meksikane kanë mbërritur tashmë në vendet ballkanike të Evropës Lindore.
“Kanë gjetur tokë pjellore për të pastruar paratë nga aktivitetet e tyre të paligjshme, sepse ekonomitë e tyre dhe zbatimi i ligjit konsiderohen të dobëta”.
Autoritetet e inteligjencës të qeverisë federale zbuluan fjala është për Ismael Zambada García, i njohur ndryshe si “El Mayo”.
Ai është kreu i një fraksioni të kartelit Sinaloa. Ai ishte aleat me mafian shqiptare për të pastruar miliona dollarë në biznese.
Por edhe prona të paluajtshme dhe investime në sektorin e turizmit bregdetar.
Në veçanti, ata “zbuluan se El Mayo kishte krijuar lidhje me vëllezërit Luftar, Arben, Fatos dhe Ramiz Hysa” thuhet në artikull.
Sipas medias ky është një grup kriminal shqiptar që është vënë në shënjestër nga autoritetet financiare.
Ai po hetohet për aktivitetin e parregullt të rëndësishëm ekonomik të regjistruar në sektorët e turizmit dhe kazinove në Meksikë si dhe në Shqipëri.
Sipas burimeve të inteligjencës meksikane, katër shqiptarët zotërojnë një rrjet kazinosh dhe biznesesh në Sonora.
Por edhe Baja California dhe Quintana Roo në të cilat pastrojnë miliona dollarë nga krimi i organizuar, së bashku me avokatë dhe drejtues.
Përveç kësaj, ata investojnë shuma të mëdha parash në Shqipëri për t’i pastruar ato në investime të fokusuara në aktivitetet e lojërave të fatit dhe në fushën e turizmit.
Në këtë kohë, sipas autoriteteve federale, shqiptarët po kryejnë një operacion në emër të kartelit Sinaloa për të transferuar miliona dollarë në vendin e tyre përmes kompanive të para.
