Në ditën Ndërkombëtare të Demokracisë, kryetari i partisë së Lirisë Ilir Meta ka postuar në Facebook një foto të 32 viteve më parë gjatë takimit të studentëve që i hapi derën pluralizmit.
Por sot, pas 3 dekadash, ish-presidenti thotë se Shqipëria ndodhet në rrezik dhe kërkon reagim.
“Mbrojtja e demokracisë është sot një detyrë patriotike. Zgjidhja nuk është largimi nga vendi, as nënshtrimi, por përballja me të keqen, që ka kapur për fyti Shqipërinë!
Dita Ndërkombëtare e Demokracisë na gjen sot në betejë dhe në krye të misionit të përbashkët historik: Të shpëtojmë demokracinë nga pengmarrja e një pakice të inkriminuar dhe të korruptuar!
Kjo është beteja jonë, e njerëzve të lirë, të ndershëm dhe punëtorë, e rinisë tonë të mrekullueshme! Koha nuk pret! Demokracia, Liria dhe Dinjiteti Njerëzor janë të panegociueshme” shkruan ai.
