Roja i plazhit “Krahu i Shqiponjës” ka treguar detaje të reja në lidhje me mbytjen e 59-vjeçarit nga Librazhdit, Xhevat Lleshi.
Roja ka treguar se ai ishte ulur fillimisht në breg të deti më pasi ishte futur në ujë dhe nuk kishte reaguar fare teksa zhytej. Ai i dha ndihmën e parë por nuk mund ta sillte në jetë.
“U ul fillimisht në breg dhe pastaj u fut në ujë. Nuk shkoi as 10 minuta në ujë kur persona që e panë që u zhyt dhe nuk doli, folën me zë të lartë. Shkova e nxora në breg, i bëra frymëmarrje, e ktheva nëse kishte marrë ujë po nuk nxorri gjë, veçse në fytyrë dhe trup kishte marrë ngjyrë të errët. Erdhi edhe një mjek që ndodhej në plazh. Dha edhe ai ndihmë po u pa se ishte i pajetë,” është shprehur roja.
