34-vjeçari, Alban Pashollari humbi jetën në ujërat termale të llixhave të Elbasanit mbrëmjen e djeshme.
Ai ishte pranë një rezervuari të mbushur me ujë termal kur humbi ndjenjat.
I riu, banues në Tiranë, ka humbur jetën gjatë transportimit me autoambulancë për në spital.
Disa nga frekuentuesit e llixhave u shprehën se gjatë darkës kanë dëgjuar ulërimat e një burri që kërkonte ndihmë.
“Kanë pirë birra bashkë me shokun e vet. Ndërroi jetë rrugës për në spital, ai ka hyrë bashkë me shokun, hapën rubinetit dhe mbushën vaskat” tha një nga frekuentuesit e llixhave.
“Bërtiste një burrë, ndihmë, ndihmë, diku ora 9 e gjysmë. Dolëm më pas kishte ardhur policia” u shpreh një tjetër.
Pashollari dyshohet se u asfiksua dhe pësoi arrest kardiak në momentin që u fut në vaskë, ndërsa ndërroi jetë gjatë rrugës për në spital.
