Në datë 30 gusht u arrestua bosi turk i Bitcoin, Faruk Fatih Özer. Ai ishte në kërkim nga drejtësia turke për mashtrim miliona euro.
Turku u kap në Himarë duke bërë plazh. Por në e-mailet që hakerat i nxorën ish-drejtorit të policisë Gledis Nano, zbulohet një raport i Tonin Vocajt.
Ai tregon se turku hyri në Shqipëri në datë 20 prill 2021 dhe tre ditë më pas u shpall në kërkim në vendin tij.
Në Shqipëri, sipas raportit të Vocajt turkun e ka ndihmuar të fshihet dhe strehohet Edevaldo Haxhiu, nipi i Armand Dukës, që është në krye të FSHF-së, Altjan Canaj, Ardian Jasimi, etj.
Por në raport përmendet edhe emri Andi Duka, që sipas dokumentit rezulton se është djali i Agron Dukës, lindur dhe banues në lagjen “Pavarësia” Durrës.
“Andi Duka është djali i dajës së Edevaldos” tha njëri nga personat e marrë në pyetje nga drejtësia, Altjan Canaj, thuhet në raport.
Në datë 20.10.2021 gjykata vendosi kontrollin e banesave për shumë persona mes tyre edhe Andi Dukës 30-vjeç, djali i deputetit të PD-së, kryetar i PAA-së.
