Ditën e sotme u publikuan e-mailet e ish-drejtorit të policisë Gledis Nano me vartësit, por edhe zyrtarë të tjerë të lartë të shtetit.
Mes dokumenteve të publikuara nga hakerat që janë marrë nga e-maili personal i ish-drejtorit të Përgjithshëm të Policisë, Gledis Nano është dhe një informacion sekret në lidhje me një sulm të mundshëm ndaj ambasadës shqiptare në Athinë.
Në këtë informacion të klasifikuar si tepër sekret për një periudhë 15 vjeçare, Drejtoria e policisë së Shtetit dhe pikërisht njësia e antiterrorit i dërgon një letër zyrës për çështjet rajonale në ambasadën e SHBA ku njoftohet se ka marrë të dhëna për sulmin e mundshëm ndaj selisë diplomatike në kryeqytetin grek.
Në dokument shfaqen dhe emrat e 4 personave që sipas të dhënave po organizonin sulmin me lëndë eksplozive në prill të vitit 2021.
