Rajonet e Ukrainës të pushtuara nga Rusia, po i përgjigjen një referendumi për të qenë pjesë e shtetit rus.
Kjo sipas zyrtarëve Ukrainës po u bëhet banorëve nën terror dhe frikë.
Andriy Yermak, kreu i Zyrës së Presidentit të Ukrainës, tha në kanalin e tij Telegram : “Shantazh naiv me kërcënime dhe histori tmerri të “referendumeve”, “mobilizimeve” nga ata që dinë të luftojnë vetëm me fëmijë dhe njerëz paqësorë. Kështu duket frika nga disfata. Armiku ka frikë, manipulon në mënyrë primitive. Ukraina do të zgjidhë çështjen ruse. Kërcënimi mund të eliminohet vetëm me forcë,” shtoi Yermak.
Të dy Republikat Popullore të vetëshpallura të Donetskut dhe Luhanskut njoftuan se referendumet do të mbaheshin në fund të kësaj jave.
