Kryeministri i Kosovës, Albin Kurti ka konfirmuar edhe një herë se ka qenë në dijeni të planit për atentatin kundër tij që doli pak ditë më parë nga e-mailet e ish-drejtorit Gledis Nano u hakeruan.
Ai tha ka qenë në dijeni të planit për tri atentate. Kurti shtoi se sa i përket masave që duhet të merren për Institucionet dhe zyrtarët e lartë të shtetit, janë organet shtetërore të sigurisë ato që vendosin.
“Mund t’ua konfirmoj që ndjehem i sigurt, ndërkaq sa jam i sigurt e vendosin organet e sigurisë që marrin masa adekuate.
Kam qenë në dijeni të planit për tri atentate, por e keni parë edhe nga informacioni që ka dalë unë e kam ditur shumë më herët se qëllimi ishte frikësimi i popullsisë.
Destabilizimi i vendit andaj kemi vlerësuar që publikimi i atij plani nuk ndihmon, përkundrazi ndihmon ata të cilët e kanë bërë planin.
Prandaj me të drejtë kemi vlerësuar se më mirë është të mos bëhet publike, por çfarë masash do merren në vijim” tha ai.
