Sergej Aksenov, kreu i Krimesë i emëruar nga Rusia, tha se është krijuar një zyrë për të ndihmuar me mobilizimin e pjesshëm të shpallur nga presidenti rus Vladimir Putin.
Aksenov tha se “qeveria, ministritë dhe departamentet e republikës po punojnë në kontakt të drejtpërdrejtë me komandën e forcave të armatosura ruse”.”Ne e kuptojmë se këto janë kohë të vështira; megjithatë, pavarësia dhe e ardhmja e vendit tonë varet nga zhvillimi i operacionit special ushtarak, ku ne jemi kundër të gjithë NATO-s,” tha ai, duke iu referuar pushtimit rus të Ukrainës.
“Të gjitha detyrat në lidhje me gatishmërinë mobilizuese, sipas dekretit të Presidentit, do të zbatohen plotësisht në Krime. Të gjitha kontaktet dhe adresat e atyre që potencialisht do të përmbushin detyrat ushtarake janë të njohura,” tha Aksenov për televizionin shtetëror rus.
