Drejtori i Përgjithshëm i Policisë, Muhamet Rrumbullaku ditën e djeshme ka zhvilluar një takim prej 1 ore me drejtorin e policisë në Shkodër.
Shkak i takimit janë bërë vrasjet e njëpasnjëshme të ndodhura në Shkodër, të cilat ende nuk janë zbardhur. Në fokus kryesor të takimit kanë qenë dhe shqyrtimi i provave nga atentati i fundit i Erjon Xhenjes, 19-vjeçarit.
Provat për këtë ngjarje janë të pakta dhe ka mbetur vetëm gëzhojat e armës si dhe arma e atentatit e cila është djegur dhe është dërguar në laborator në Tiranë për ekzaminim.
Përveç armës, hetuesit kanë shpresë se mund të gjejnë ndonjë provë edhe te motori i djegur në lagjen “Guerrila” pas vrasjes së Xhenjes.
Rrumbullaku ka kërkuar të gjitha provat të jenë në dispozicion të policisë.
