Një studim sugjeron se çmenduria mund të shfaqet te personat e moshës së mesme që përjetojnë rregullisht ankthe.
Studiuesit thonë se ëndrrat e këqija bëhen të zakonshme në vite dhe potencialisht edhe me dekada, përpara se të fillojë humbja e kujtesës.
Kjo mund t’i lejojë mjekët të miratojnë “strategji për të ngadalësuar fillimin e sëmundjes”, shtoi ai.
Edhe pse e pashërueshme, identifikimi i hershëm i demencës mund të ndihmojë në ngadalësimin e përparimit shkatërrues të sëmundjes.
Studimi, i publikuar në revistën eClinicalMedicine, përbëhej nga dy pjesë.
Sipas grupit të parë të projektit, 605 të rritur pa demencë, të moshës 35-64 vjeç, u ndoqën mesatarisht për nëntë vjet.
Atyre iu kërkua të plotësonin testet e kujtesës në fillim të studimit dhe përsëri në fund. Vullnetarët u pyetën gjithashtu për modelet e tyre të gjumit dhe nëse përjetuan ankthe.
Detajet nga testet e kujtesës u përdorën për të gjurmuar se sa shpejt ishte përkeqësuar fuqia e trurit të tyre.
Kjo njihet si “rënie kognitive” dhe është një pasojë e natyrshme e plakjes. Sidoqoftë, rënia më e shpejtë se sa pritej mund të jetë një pararendës i demencës.
Në pjesën e dytë të studimit u përfshinë më shumë se 2600 persona mbi 80 vjeç. Asnjë nga pjesëmarrësit nuk kishte demencë.
Ata u gjurmuan për pesë vjet, mesatarisht, dhe gjithashtu u pyetën për përvojat e tyre të maktheve.
Por në vend që t’u kërkohej të plotësonin testet e kujtesës, studiuesit panë të dhënat mjekësore për të përcaktuar nëse vullnetarët ishin diagnostikuar me çmenduri.
Të rriturit e moshës së mesme që përjetonin të paktën dy makthe në javë kishin katër herë më shumë gjasa të përjetonin një rënie “të konsiderueshme” njohëse, krahasuar me ata që nuk vuanin asnjë, shkruan Daily Mail.
