Një aksident i rëndë ka ndodhur në qytetin e Fier, ku 8 automjete dhe një motor janë përfshirë në ngjarjen e rëndë.
Përplasja ka ndodhur në vendin e njohur si “Zogu i Zi” në kryqëzimin e lagjes Apolonia në Fier.
Mjetet janë përplasur me njëra-tjetrën në një kohë kur qarkullimi i automjeteve është i madh. Kështu 2 automjete tip Golf, 1 Skoda, 1 Honda, 1 Peugeot, 1 Audi, 1 Opel, 1 Mercedes Benz dhe një motor që shërben për shpërndarjen e picave janë përfshirë në aksident, shkaqet e të cilit ende nuk dihen.
Në vendngjarje kanë shkuar forcat policore.
