Ambasadorja e re e BE-së, Christiane Hohmann gjatë një konference në Tiranë theksoi se BE po punon fort që Shqipëria t’i bashkëngjitet sa më shpejt familjes Evropiane.
Hohmann theksoi se është shumë e rëndësishme që Shqipëria të dalë nga lista gri.
Ajo prezantoi një program “EU4LEA”, i cili rrit sigurinë në Shqipëri. Gjithashtu ambasadorja theksoi se bashkëpunimi, luftimi i korrupsionit dhe zbatimi i ligjit do ta ndihmoj Shqipërinë të bëhet sa më shpejt pjesë e BE-së.
” EU4LEA është një program i cili rrit sigurinë në vend. Ne duam që Shqipëria të dalë e fituar nga ky projekt. Duhet të punojmë së bashku për të bërë të pamundurën që Shqipëria të dalë nga lista gri e FATF-së. Ne duhet të kemi bashkëpunim mes institucioneve. Secili prej jush luani një rol kyç që ky projekt të jetë i suksesshëm. Në një botë që është gjithnjë e më turbullt, bashpunimi ynë duhet të jetë gjithnjë e më i fortë. BE po e mbështet Shqipërinë në hetimin e sulmeve kibernetike.
Zhvillimi i bashkëpunimit me shtetet e BE, me agjencitë e tyre të zbatimit të ligjit, me EUROPOL, etj, vijimësia e bashkëpunimit është thelbësore për të zhvilluar atë besim që është i nevojshëm, ndaj kërkon përdorimin e kanaleve të sigurta”, tha Hohman.
