Drejtori i Përgjithshëm i Policisë së Shtetit Muhamet Rrumbullaku nuk e ka ende një përgjigje nëse Ervis Martinaj është zhdukur me qëllim për të humbur gjurmët apo është vrarë. Ai tha sot para gazetarëve se do të flasin kur të kenë provat në dorë.
“Mund t’ju them që strukturat e Posaçme të luftës kundër krimit, në Drejtorinë e Përgjithshme dhe në nivel vendor janë të angazhuara maksimalisht. Do të flasim mbi fakte, mbi prova. Nuk mund të flasim pa pasur prova” tha ai.
Edhe ministri i Brendshëm Bledi Çuçi deklaroi se do të flitet kur të kenë prova e nuk mund të flasin pa i pasur ato.
“Ne do të flasim kur të kemi prova. Policia e shtetit nuk mund të flasë pa pasur prova” tha ministri. Edi Rama deklaroi se tashmë policia e kishte një përgjigje, por duhet të prisnin edhe pak për prova.
