Ish-presidenti Ilir Meta ka zbuluar detaje nga takimi i së premtes me ambasadoren amerikane Yuri Kim në selinë e Partisë së Lirisë. Ai tha se biseda u fokusua te forcimi i marrëdhënieve mes dy vendeve.
“Unë mund t’ju them se marrëdhëniet e mia me SHBA-në kanë qenë dhe janë të shkëlqyera. Sidomos në drejtim të forcimit të partneritet strategjik. Kemi pasur një bisedë shumë të hapur, konstruktive, bashkëpunuese. Këtë mund të thosha” tha ai.
Por a i bashkohet Meta thirrjes së Sali Berishës për protesta dhe greva? “Pa asnjë diskutim. Vendi është në një nevojë ulëritëse për protesta. Gjithmonë paqësore. Protesta në të gjitha nivelet dhe drejtimet” tha ai.
