218 885 euro janë sekuestruar sot në Portin e Vlorës.
Shuma e konsiderueshme po tentohej që të futej në Shqipëri në mënyrë të pa deklaruar, fshehur në një kamion që drejtohej nga Alfred Bazini 50-vjeç, që u arrestua.
Shuma ishte e fshehur në kamionin tip “DAF”. Gjithashtu u sekuestruan dhe disa kuti me shishe vere, pa faturë blerjeje. Shoferi do të akuzohet për mos deklarim, pastrim parash dhe kontrabandë.
Materialet i kaluan Prokurorisë, për veprime të mëtejshme për të zbuluar kush qëndron pas shoferit të kamionit.
