17 420 paund të padeklaruara janë sekuestruar këtë të hënë në Rinas.
Shuma e parave i përkiste shtetasit shqiptar me iniciale D. H., i cili tentoi të kalonte kufirin me sasinë e parave të padeklaruara. Ndaj këtij shtetasi ka nisur procedimi për vepërn penale: “Mosdeklarimi në kufi i të hollave ose sendeve me vlerë”.
“Në hyrje të Republikës së Shqipërisë, në bazë të analizës së riskut, shërbimet e Policisë Kufitare kanë kaluar për kontroll më të imtësishëm në vijën e dytë, shtetasin D. H., të cilit i kanë gjetur dhe sekuestruar në cilësinë e provës materiale, 17 420 paund, të cilat ai nuk i kishte deklaruar. Në përfundim të veprimeve, materialet proceduriale i kaluan Prokurorisë pranë Gjykatës së Rrethit Gjyqesore Tiranë, për veprën penale “Mosdeklarimi në kufi i të hollave ose sendeve me vlerë”, njofton Policia.
