Interpoli u ka kërkuar agjencive të zbatimit të ligjit në mbarë botën që të gjejnë dhe arrestojnë Do Kwon, themeluesin e kriptomonedhës së dështuar Terra.
BBC thotë se është lëshuar një njoftim i kuq për 31-vjeçarin, i cili akuzohet për mashtrim lidhur me kolapsin e kompanisë prej 40 miliardë dollarësh.
Një urdhër arresti u lëshua në Korenë e Jugut të lindjes së tij në fillim të këtij muaji.
Do Kwon fluturoi për në Singapor në maj përpara se Terra të rrëzohej, por mësohet se ai është arratisur dhe nga ajo zonë.
Prokurorët e Koresë së Jugut i kishin kërkuar Interpolit që ta vendoste atë në listën e njoftimit të kuq – një kërkesë me të cilën ajo tashmë është përmbushur – dhe i kërkuan ministrisë së jashtme në Seul që t’i revokonte pasaportën, duke thënë se Do Kwon ishte “në arrati”.
Ai ka mohuar se është fshehur, por nuk ka treguar vendndodhjen e tij.
Sistemi Terra Luna u shkatërrua në maj, me çmimin e të dy tokenëve që ranë afër zeros dhe pasojat goditën tregun më të gjerë të kriptove.
Nga një vlerë prej 116 dollarësh në prill, një monedhë Terra tani vlen më pak se 0,0002 dollarë.
