Sekretari i Përgjithshëm i Partisë së Lirisë, Tedi Blushi përmes një postimi në Facebook ka thënë se rritja e çmimit për familjet që e kalojnë fashën prej 800 Kw/h në muaj, do të thellojë krizën ekonomike në vend.
“Rritja e çmimit të energjisë elektrike për kalimin e fashës 800 kë në muaj do të thellojë krizën ekonomike për mijëra familje dhe biznese në Shqipëri.
Në veçanti do të rrënohen edhe pensionistët, që përveç faturave të larta të ushqimeve dhe ilaçeve që mezi po i përballojnë, nga 1 tetori do të përballen seriozisht edhe me çmimin e kripur të energjisë, “dhuratë” nga korrupsioni i Edi Ramës.
Dëgjoni zërin e pensionistëve dhe hiqni dorë nga vendimi arbitrar! Rritni fashën në 1200 kë në muaj!“, shkruan Blushi.
