Drafti i amnistisë fiskale është një provë e madhe për opozitën. Kështu deklaroi sot deputetja e PD-së, Jorida Tabaku.
Ajo u shpreh se ligji do 84 vota, që shumica nuk i ka dhe në këtë moment koherenca e opozitës për të qenë bashkë të paktën, sipas saj në këtë moment është i rëndësishëm.
“Ligji për amnistinë fiskale është një barrë për bizneset e ndershme dhe është një barrë që Shqipëria nuk ka luksin ta ketë.
Ajo që unë kam kërkuar dhe i kërkoj të gjithë deputetëve të Partisë Demokratike dhe opozitës të mos votohet ligji për amnistinë fiskale.
Ligji për amnistinë fiskale kërkon 84 vota dhe që këto vota të arrihen kërkohet të merren nga ai gjithë spektri politik.
Unë besoj se këtu duhet të tregojë opozita që është e bashkuar, me një shenj dhe një sinjal në mbështetje të biznesit të ndershëm dhe procesit të integrimit në BE”, tha Tabaku.
