Elhaida Dani është një nga këngëtaret më të dashura për publikun shqiptar por kur vjen puna te jeta e saj sentimente ajo gjithmonë ka qenë e kursyer.
Së fundmi, ajo ka qenë e ftuar në programin “Goca dhe Gra” ku është pyetur nëse është në lidhje ose jo. Elhaida ka lozur disi me fjalët duke mos thënë një përgjigje të prerë.
Biseda në studio:
Elhaida: Kam një projekt mjaft të madh që nuk dua ta bëj akoma publik por është diçka shumë e shenjtë për mua e kam pasur ëndërr që kur isha e vogël…
Dalina: Dasmë?
Elhaida: Jo jo nuk është dasmë akoma jo për momentin… nejse…
Fatma: Aty tek dasma the tre pika sepse ka ngelur deri tek tre pikat apo nuk e ka akoma pikën e parë?
Elhaida: Nuk e di nëse dua ta them këtë gjë, jam shumë hermetike tek kjo gjë. Jam shumë supersticioze dua ta mbaj…
Fatma: A ka ndodhur që diçka e bukur, e mirë të jetë prishur nga energjia e keqe ose ‘syri’?
Elhaida: Nuk di të them nëse është prishur nga energjia e keqe apo syri por di që gjërat të cilat nuk ekzistojnë akoma… më saktë përse të ndaj diçka timen kur nuk jam e bindur 1000% diçka që do ndodhi. Thjesht dua ta mbaj diçka private timen dhe ta ruaj derisa të jem e sigurt që dua ta ndaj me këdo sepse në këtë rast jam dhe një personazh publik dhe më duhet të jem e kujdesshme.
