Ish-kryeministri Sali Berisha iu përgjigj sot ambasadores Yuri Kim e cila tha mbrëmë se nuk takohet me Sali Berishën, pasi është shpallur non grata.
Diplomatja tha se zyrtarët e SHBA-së nuk takojnë asnjë person të shpallur non grata. Por Sali Berisha i kujtoi anëtarin e Presidencës së Bosnjës dhe Hercegovinës Milorad Dodik, i shpallur non grata.
“Zotimi i ambasadores nuk është i vërtetë. Kjo është një deklaratë sikur ta kishte bërë Edi Rama. Është gënjeshtër. Nuk është e vërtetë.
Zyrtarë të lartë të DASH-it takohen me të dezinjuar apo edhe kukulla të Putinit, këtu nuk e kam fjalën për Ramën, por për Dodikun.
PD mbetet e vendosur për të zhvilluar marrëdhënie shumë të mira me SHBA-në.
Ambasadorja që flet si guvernatore, sikur e keni parë shkon në një super harmoni me elementë të diskredituar botërisht, si Rama, Balla, etj” tha Berisha.
