Sot gjykata e Elbasanit ka vendosur që të çojë në gjyq dosjen për vrasjen e Pjerin Xhuvanit. I akuzuar kryesor për ekzekutimin është ish-efektivi Arbër Paplekaj.
Vendimi u mor ditën e sotme pas shtyrjes së shtatë seancave në gjyqin paraprak.
Për gjykim gjykata ka çuar edhe çështjen për dy ish-drejtorët e policisë së Elbasanit, Niko Palla dhe Albert Nushi.
Gjykata mori vendimin për pushimin e akuzës për 6 efektivët e forcës “Shqiponja”.
Nga ngjarja të plagosur mbetën edhe katër persona të tjerë, Emiljan Prenga, Pavlo Vuksani, Eltjon Bodinaku dhe Xhensila Sota ( punonjëse e policisë).
Paplekaj pranoi krimin dhe u vetëdorëzua në Repartin e Forcave RENEA në Tiranë duke thënë se qëlloi për vetëmbrojtje pasi u qëllua më parë nga persona që sipas tij po blinin vota.
